Onyeisi APC Agwala Onyeisiala Tinubu Ka Ọ gbaa Mbọ Inwe Nhata Nha Nwoke Na Nwanyị Na Nhọpụta Ọrụ

Otu onye isi otu All Progressives Congress (APC) na Delta bụ Oriakụ Veronica Adesotu arịọla onyeisiala Bola Tinubu ka ọ hụ na ndị inyom na-anọchi anya ha nke ọma na ọchịchị ya.

Adesotu, onye bụ onye malitere otu APC Female Aspirants 2022/2023 Forum mere mkpesa ahụ na Tọzdee na Abuja.

O kwuru na site n’ime nke a, Onye isi ala Tinubu ga-enye ụmụ nwanyị ohere itinye aka nke ọma n’oke ha na mmepe obodo.

Ọ sịrị; “APC Female Aspirants Forum nwere n’ogige ya ụmụ nwanyị nwere ikike ọgụgụ isi dị njikere iwepụta ọgụgụ isi na ume dị mma maka uto obodo.”

Ọ sịkwara na nsonye ha n’ụlọọrụ gọọmentị na ọkwa ndị ọzọ dị oke mkpa iji kwalite obodo na iwepụta atụmatụ olileanya ọhụrụ nke Tinubu.

O kwuru na “ndị inyom APC na-eguzosi ike n’ihe kwenyere na Tinubu ga-emeri na ntuli aka nke Febụwarị 25 ọbụna mgbe ụfọdụ ndị nọ n’òtù ndọrọ ndọrọ ọchịchị ya na-enwe obi abụọ n’ikike ya.”

Adesotu, onye bụbu onye na-azọ oche Aniocha North na ụlọ ọgbakọ omebe iwu Delta kwuru na ndị ndọrọndọrọ ọchịchị ụmụ nwanyị nọ na APC bụ ndị kwụnyere Tinubu kwesịrị ka e jiri nhọpụta ndọrọ ndọrọ ọchịchị kwụọ ụgwọ ya.

Ọ dụrụ Onye isi ala Tinubu ọdụ ka ọ gbanahụ mmetụta n’ịhọrọ ndị ozi ya na ndị isi ndị ọzọ n’ọchịchị ya, na-ekwu na ọ bụ naanị ndị otu pati kwesịrị ntụkwasị obi kwesịrị ka a ga-atụle.

Adesotu kwuru na oge eruola ka Tinubu kpochapụ aha ya na mgbasa ozi ọjọọ niile a na-ebuso ya tupu ntuli aka site n’itinye atumatu na mmemme ga-eme ka ọdịmma ndị Naijiria dịkwuo mma.

O kwuputara nchekwube ya na dịka o mere mgbe ọ na-achị Legọs steeti, Onye isi ala Tinubu ga-eme akụkọ ihe mere eme wee tụgharịa akụ na ụba Naijiria.