INEC Ebusaala Ngwongwo Ntuliaka Kachasị Mkpa N’Ondo Steeti

Ụlọ ọrụ ntụliaka Naijiria bụ Independent National Electoral Commission (INEC), ekesaala ngwongwo e ji-eme ntụliaka ndị nke kachasị mkpa n’ime okpuru ọchịchị ime obodo iri na asatọ dị na steeti Ondo tupu ntuliaka ọkwa gọvanọ na steeti ahụ na Satọde.

Kọmishọna ntụliaka nke steeti a kpọrọ Resident Electoral Commissioner (REC) n’Ondo steeti, Oluwatoyin Babalola, bụ onye lebara anya na mmemme ahụ, nke e mere n’alaka nke Central Bank of Nigeria (CBN) n’Akure,mesiri ndị bi na steeti ahụ, otu ndọrọndọrọ ọchịchị nakwa ndị niile nke a metụtara obi ike na ha dị njikere ime ntuliaka ziri ezi.

Babalola kwuru na ịmalite ikesa ihe ndị ahụ n’oge bụ iji gosi na kọmishọn ahụ dị njikere maka ntuliaka ahụ, kwe nkwa na kọmishọn ahụ ga-edobe anya n’usoro ntuliaka ahụ.

“Ị nwere ike ịhụ na mmemme ikesa ngwongwo na-aga nke ọma. Ndị ọchịchị ime obodo dị anya amalitela njem ịlaghachi n’ọchịchị ime obodo ha. Ndị ọchịchị ime obodo ndị ọzọ anatala ihe ha, na-enyocha ma na-ebunye ha n’ime ụgbọ ala.

“Ọchịchị ime obodo dị n’ofe mmiri dị ka Ilaje na Ese-Odo, anyị achọpụtala ebe ndị ahụ, anyị ga-enwekwa ụgbọ mmiri ga-ebufe ndị ọrụ na ngwongwo ha. Anyị nwekwara nkwado nke ndị agha mmiri. Ha na-enye anyị ụgbọ mmiri nchekwa iji chebe njem ahụ.

Ọ sịrị, “Maka ala ebe anyị nwere ala siri ike, anyị ga-apụ n’ebe ụgbọ ala nwere ike iru, anyị ga-eji ụgbọ njem kwesịrị ekwesị gaa n’ihu”

Mgbe ọ na-arịọ ndị otu ndọrọ ndọrọ ọchịchị ka ha zere ime ihe ike n’ụbọchị ntuliaka, REC ahụ kwuru na a na-ekesa ihe ndị ahụ iji hụ na onweghị ngalaba ntuliaka enwetaghị ngwongwo ntuliaka.

Onye isi oche otu All Progressives Congress (APC) na steeti ahụ, Ade Adetimehin na onye isi oche nke Inter-Party Advisory Council (IPAC), Adesanya Olaoluwa, toro INEC maka nghọta ha ziri ezi na mmemme ahụ na-ekwu na pati niile dị njikere ịkwado kọmishọn ahụ.

Ndị nnọchianya otu ndọrọ ndọrọ ọchịchị na-esonye na ntuliaka na ụlọ ọrụ nchekwa nke gụnyere ndị uweojii, Nigeria Security and Civil Defence Corps (NSCDC), Federal Road Safety Corps (FRSC), Immigration, Customs nakwa Department of State Services (DSS) nọ n’ogige mmemme ahụ.