Ụlọ Ọrụ Njikwa Ụgwọ Ọkụ Eletrik Enwetala Onye Isi Ọhụrụ

Onye isi ala Naijiria, Bola Tinubu akwadola nhọpụta Oriakụ Mojoyinoluwa Dekalu-Thomas dị ka onye isi nchịkwa ọhụrụ nke Nigeria Electricity Liability Management Company (NELMCO) maka afọ anọ.

Oriakụ Dekalu-Thomas jerela ozi dịka onye isi oche NELMCO kemgbe ọchịchị onye isi mbụ nke NELMCO Mazị Adebayo Fagbemi, kwụsịrị na abalị asatọ ọnwa Mee, 2023.

Ọzọkwa, ọrụ nwa oge ya gara aga na nhọpụta ọhụrụ ewepụtala ohere n’ọkwa ya gara aga: Onye isi nchịkwa, njikwa ọrụ.

N’ihi nke a, Onye isi ala Tinubu akwadola nhọpụta nke Mazị Dimla Nchinney ka ọ rụọ ọrụ na NELMCO dịka onye isi nchịkwa, njikwa ọrụ.

Onye na-ekwuchitere onyeisiala bụ Ajuri Ngelale, onye kwupụtara nke a n’ozi, kwuru site na ntuziaka Onyeisiala, nhọpụta a na-amalite ozugbo.