DBI:Ga-azụ ndị ọrụ Naijiria nde ise na Artificial Intelligence (AI)

Ndị ọrụ Naijiria ruru nde ise  ka  Ụlọ ọrụ Digital Bridge Institute (DBI) kwuru na ha ga-azụ  na Artificial Intelligence (AI) n’ime afọ atọ na-abịa.

Maazi David Daser,onye isi oche nke DBI, kwuru nke a n’emumme ncheta afọ 21 nke ụlọ akwụkwọ ahụ na Abuja nke isiokwu ya bụ: “Ịkwadebe Ndị Ọrụ Taa maka Ahịa Echi.”

Daser gbara ndị Ministries, Departments and Agencies (MDAs) nke gọọmentị etiti, steeti na ime obodo ume ka ha kwado ma soro DBI na-arụkọ ọrụ na ozi ahụ.

“N’ime nke a, anyị na-akpọ ndị Nigeria niile, ndị isi nke MDA, ndị gọvanọ, na ndị ọchịchị obodo ka ha kwado ma soro DBI na-arụkọ ọrụ na ọrụ a dị oke mkpa.

O kwuru na DBI bu n’obi idowe Naijiria ka ọ bụrụ ebe nchekwa AI ọhụrụ na ọzụzụ site n’ịrụkọ ọrụ ọnụ iji hụ na mba ahụ adaghị azụ na mgbanwe AI.

O kwuru na atụmatụ a nwere ikike ịkwalite uto akụ na ụba, kwalite mmepụta ihe, na ịkwalite asọmpi Naijiria na akụ na ụba ụwa.

NAN/Jide Johnson.