Ụlọikpe mkpesa ntuli aka nke onye isi ala ka edobere ka ịmalite tupu ọ nụ arịrịọ ndị sitere na ntuli aka onye isi ala nke 2023 emere n’abali iri abuo na ise nke Febuwari. Ụlọ ikpe ikpe dị n’Abuja, ga-anụ akwụkwọ mkpesa na-ama nkwupụta nke onyeisi oche-ahọpụtara Ahmed Tinubu nke All Progressives Congress (APC). Ụlọ ọrụ Independent National Electoral Commission (INEC), n’ụbọchị mbu nke onwa Maachị, kpọpụtala Tinubu ka ọ bụrụ onyeisiala n’ihi na ndị otu ya nwetara ọtụtụ vootu n’ime ntuliaka ahụ. Tinubu gbara nde asato na uma asato iji merie Atiku Abubakar nke Peoples Democratic Party (PDP) onye nwetara nde isii na uma itolu, Peter Obi nke Labour Party (LP) chịkọbara nde isii na uma otu na mmadụ iri na ise ndị ọzọ. N’ịgbaghara nsonaazụ ahụ, onye na-azọ ọkwa onyeisiala n’otu pati People’s Democratic Party PDP bụ Atiku Abubakar na onye otu ya na Labour Party bụ Maazị Peter Obi gbara akwụkwọ dị iche iche na-achọ ka e nye iwu kagbuo ntuliaka ahụ ma ọ bụ kwupụta na ha bụ ndị meriri na ntuliaka ahụ. Atiku bụ onye gbachiri ekpere asaa ya n’ihe mgbakwasị ụkwụ ise, rịọrọ Ụlọikpe ntuli aka Onyeisiala ka ha kwupụta na ya bụ onyeisiala. N’aka nke ọzọ, Atiku gbara ụlọikpe ume ka ọ kagbuo ntuli aka ahụ ma nye iwu ka e mee ntuli aka ọhụrụ n’ihi ebubo eboro ebubo na-ezighi ezi na puku kwuru puku ụlọ ọrụ ntuli aka. N’arịrịọ ha, Atiku na PDP rụrụ ụka n’abali mbu nke onwa ọnwa Maachị bụ mgbe e kpọpụtara Tinubu dịka onye meriri na ntuliaka ahụ, INEC ebufebeghị ma bulite rịzọọtụ niile na data nzere sitere na ngalaba ntuliaka. Onye na-azọ ọkwa onyeisiala nke Labour Party bụ Maazị Peter Obi, bụ onye bịara nke atọ na ntuliaka ahụ, boro ebubo na ntuliaka ahụ bụ ihe dị iche iche na-ezighi ezi gụnyere erughị eru nke Tinubu na onye zọọ ọkwa ya bụ Kashim Shettima ịzọ ọkwa ntuliaka ahụ. O kwukwara na Tinubu emeghị ka ọtụtụ nhoputa iwu kwadoro na ntuliaka ahụ, na dịka ọ na-enweghị ike ị nweta otu ụzọ n’ụzọ anọ nke ntuli aka iwu kwadoro na FCT.
Leave a Reply