Onye ndu Naijiria kwuru na a ga-akwado ọchịchị onye kwuo uche ya

Onye ndu Naijiria kwuru na a ga-akwado ọchịchị onye kwuo uche ya.

Onye isi ala Muhammadu Buhari na-ekwu na ọchịchị onye kwuo uche ya ga-adịgide, na-agbakwụnye na ka ọ na-akwado ịpụ n’ọchịchị n’ime ntakịrị ihe karịrị otu ọnwa, ọ na-enwe afọ ojuju ma kwenye n’ụzọ ziri ezi na ndị Naijiria ga-agbachitere usoro ahụ megide ihe egwu niile.

Mgbe ọ na-agwa ndị nta akụkọ okwu obere oge ka ha mechara ekpere Eid, bụ akara ngwụcha nke ndị Alakụba bu ọnụ ụbọchị iri atọ nke Ramadan, Onyeisiala Buhari kwuru:

“Ndị Naijiria nwere ekele maka nkwụsi ike nke ọchịchị onye kwuo uche ya. Ihe si na ntuliaka ahụ, nke ihe karịrị Gọvanọ iri enweghị ike ime ya n’ụlọomeiwu Sineti zigara ozi doro anya na ndị Naijiria nkịtị maara ike votu ha na ka ha ga-esi jiri ya mee ihe.

“Ndị Naijiria ji ọchịchị onye kwuo uche ya kpọrọ ihe. Ha egosila ịhụnanya ha nwere n’ebe ọ nọ, ha ga-echebekwa ya pụọ n’ihe egwu dị adị ma ọ bụ ndị chere na ha chere. Ha ga-aga n’ihu na-eme ntuli aka n’otu ụzọ ma ọ bụ ọzọ dabere na mmasị ha, “o kwuru.

Onyeisiala Buhari mesiri ike na ụbọchị inyefe May 29 ka dị nsọ.

“Chineke chọrọ, ọ dịghị ihe ga-akwụsị ya,” ọ gbakwụnyere.

Na atụmatụ ya ka ọ hapụsịrị ọrụ, Onye isi ala kwuru na ọ na-enwe mmetụta na emezuola na Chineke mere ka o kwe omume ije ozi oge abụọ nke afọ anọ ma na-atụ anya inyefe n’usoro.

“Ana m ekele Chineke maka ihe O meere m n’onwe m nakwa maka ihe O nyere anyị aka imezu.

“Ana m atụ anya ịlaghachi n’obodo m, ka m nọrọ n’ebe dị anya dị ka m nwere ike isi na Abuja ka onye isi ala na-abata wee nwee oge na ohere iji mee mkpebi n’enweghị ihe ndọpụ uche m,” ka ọ gbakwụnyere.

PIAK