Ndị isi EU na-eleta Ukraine.

Ndị isi France, Germany, Italy na Romania gara Ukraine na Tọzdee wee kwado mba ahụ maka ịbanye na EU, na-ekwu na ekwesịrị inye ya ọkwa “ozugbo”.

“Ukraine bụkwa  ezinụlọ Europe,” Onye isi ala German Olaf Scholz kwuru na mkparịta ụka di nke nke na Kyiv.

Mana ọ gbakwụnyere na Ukraine ka ga-emezurịrị usoro nnabata n’uju.

Ka ọ dị ugbu a, Onye isi ala France Emmanuel Macron kwusiri ike na ndị otu  EU  di iri abụọ na ise n’ọnụọgụgụ ga-akwado Ukraine ruo mgbe mmeri ha meriri Russia.

Onye isi ala Ukraine Volodymyr Zelensky kọwara mbuso agha Russia na-aga n’ihu dịka agha “megide Europe jikọtara ọnụ”, na-agbakwunye na “ngwa agha kachasị dị irè” bụ ịdị n’otu.

Ọ rịọkwara ọzọ ka e ziga ngwa  agha ngwa ngwa na mba ahụ ka ọ nwee ike ịgbachitere onwe ya nke ọma na mpaghara nke Moscow weghaara kemgbe mmalite oge mbuso agha malitere na 24 February.

N’isi ụtụtụ Tọzdee, ndị isi EU anọ ahụ gara n’obodo Irpin mebiri emebi nke dị nso na Kyiv, bụ nke Russia nọrọ ọtụtụ izu.

Ukraine na-ebo ndị agha Rọshịa ebubo na ha mere mpụ agha site n’igbu ọtụtụ narị ndị nkịtị na Irpin na obodo ndị dị nso dị ka Bucha – nkwupụta nke Moscow jụrụ.