Onye isi ala Naijiria, Bola Ahmed Tinubu, erutela Doha.

Onye isi ala Naijiria, Bola Ahmed Tinubu, erutela Doha maka nleta ọrụ ụbọchị abụọ nke bụ iji mee ka mmekọrịta dị n’etiti mba abụọ dịkwuo elu na ime ka mmekorita dị n’etiti Nigeria na Qatar na nchekwa, mgbanwe omenala, na mmepe akụ na ụba.

Onye isi ala, onye rutere n’ oge mgbede Tọzdee nabatara na Qatar, site n’aka Minista na-ahụ Maka Mba Ọzọ nke Naijiria, Ambassador Yusuf Tuggar; Onye ndụmọdụ nchekwa obodo, Nuhu Ribadu, Minista na-ahụ maka ego, Wale Edun, Minista ahụike Ali Pate na Gọvanọ Steeti Kaduna , Sani Uba.

Ọzọkwa na ọdụ ụgbọ elu Doha ịnabata onye ndu Naijiria bụ ndị isi gọọmentị steeti Qatar.

Onye isi ala Tinubu asọpụrụla ọkpụkpọ oku nke onye ukwu ya, Sheikh Tamim bin Hamad Al Thani, Emir nke steeti Qatar, ka ọ gbaa akaebe na mbinye aka nke ọtụtụ nkwekọrịta nke na-elekwasị anya n’ịkwalite ezigbo mpaghara Naijiria na ịmepụta ntinye ego na-aba uru n’ofe mpaghara azụmahịa. agụmakwụkwọ, mineral siri ike, akụ na ụba dijitalụ, ọrụ ugbo, na gas, yana ịkwalite imekọ ihe ọnụ na mgbochi iyi ọha egwu.