Onye bụbu Gọvanọ steeti Enugu kwadoro Onye Isi Ala Naijiria  Bola Ahmed Tinubu.

Maazị Sullivan Chime,Onye bụbu Gọvanọ steeti Enugu akwadoro Onye Isi Ala Naijiria  Bola Ahmed Tinubu maka ¡banye oge nke abụọ n’ọfịs, na-akọwa ọrụ Onye Isi Ala ahụ dị ka nke a ga-atụ anya ma too ya.

Nwamadi a sịrị na ọ naghị enwe obi abụọ ọ bụla na Tinubu na APC ga-emeri ntuli aka kpamkpam na South East n’afọ 2027.

N’ Udi, ka o kwuru okwu a n’oge mmalite ndebanye aha eletrọnik (e-registration) nke APC na Mpaghara Enugu  na Tuzdee. O kwuru na ndị ole na ole na-emegide mkpebi a n’ógbè ahụ ga-ahụ eziokwu n’anya n’oge na-adịghị anya ma nabata ya.

“Nke a bụ mkpebi anyị, anyị niile kwadoro ya. Ọ dị mfe imezu ya.

“Onye Isi Ala emeela nke ọma. Ekwenyere m na o meela nke ọma. Ihe ọ bụla na-eme na Naijiria bụ ihe zuru ụwa ọnụ, karịsịa n’Afrika. Ọ na-eme ebe niile. N’agbanyeghị ọnọdụ siri ike dị ugbu a, ọ ka na-eme nke ọma,” ka o kwuru.

Onye bụbu gọvanọ ahụ sịrị na ọ ga-ekwukwa nke ọma gbasara ntuli aka 2027 n’ọnwa ndị na-abịa.

“ O kwuru na mkpebi ya ịhapụ otu Peoples Democratic Party (PDP) mgbe ntuli aka 2015 gasịrị egosila ugbu a na ọ bụ mkpebi ziri ezi.

O kwuru na ndị isi APC na steeti Enugu ji obi siri ike chọọ ịgafe akara nde mmadụ abụọ e nyere ha dị ka ebumnuche n’ime mmemme ndebanye aha eletrọnik nke otu na-aga n’ihu, nke gọvanọ na onye ndu otu APC na steeti ahụ, Dọkịta Peter Mbah, tọrọ ntọala.

“Anyị bịara ebe a, nke mbụ, iji kele ndị mmadụ anyị. Ị hụla otú ndị mmadụ si nwee ọṅụ ịbanye n’APC. APC abụrụla ugbu a otu ndọrọ ndọrọ ọchịchị kacha dị irè na steeti Enugu,” ka o kwusiri ike.