Gọvanọ Umahi dọrọ ndị otu ndọrọ ndọrọ ọchịchị aka na ntị ka ha na-ebuso ibe ha agha

Gọvanọ Ebonyi steeti dị na ndịda ọwụwa anyanwụ Naijiria bụ Engr. David Umahi adọọla ndị otu ndọrọndọrọ ọchịchị aka na ntị ka ha na-eme usoro ntuliaka ha na-emekarị na-emebighị ikike nke ibe ha.                                                                                                                                                                    Gọvanọ Umahi nyere ịdọ aka ná ntị a oge ya na ndị ntaakụkọ na-akpakọrịta n’ọdụ ụgbọ elu Ebonyi nke fọrọ nke nta ka ọ rụchaa n’Abakaliki, isi obodo steeti ahụ.                                                                                                                                                                                                                                                        Umahi gakwara n’ihu dọọ aka na ntị na a ga-eme ihe onye ọbụla welitere ọgbaghara n’otu pati ọzọ n’agbanyeghị otu pati ya si.                                   Umahi dọrọ aka ná ntị na “Ọ bụrụgodị na ọ bụ pati m All Progressive Congress (APC) na-akpasu otu ndọrọ ndọrọ ọchịchị ọzọ iwe, ka nwụchie onye ahụ metụtara ma gbaa akwụkwọ n’ụlọikpe.”                                                                                                                                               Gọvanọ Umahi jiri ohere ahụ kpọkuo ndị Ebonyi ka ha tinyere APC votu ma nye onyeisi ụlọ ọgbakọ omebe iwu Ebonyi steeti bụ Mr Francis Nwifuru ka ọ bụrụ Gọvanọ steeti ahụ ma nyekwa onwe ya aka ka ọ bụrụ Sinetọ Ebonyi South Senetị na-esote.                                                                                                  Ọ kpọkuru onye ọ bụla ka ọ gbanarị ajọ ntuliaka na ntuliaka na-abịa. N’ikwu okwu n’okwu mkparị ndị ọrụ obodo, o kwuru na gọọmentị steeti emezuola nkwa ya maka oge ọ bụla na ngwa ngwa ma na-akwụkwa “ụgwọ opekempe na enyekwara m ndị ọrụ obodo niile ego ka ha nwee adreesị nke abụọ ma e wezụga ịbụ ndị ọrụ obodo,” Umahi kwukwara.