Onyeisiala Muhammadu Buhari awụchịela n’Imo steeti dịka gọvanọ Hope Uzodinma nke steeti ahụ sonyere ya.
Ọtụtụ ndị ọrụ nchekwa sonyere ha dịka ọ wụbara ụgbọelu ‘Chopper’ ya pụrụiche.
Ha abụọ wụpụrụ ma wụba Ọrlụ ebe agbapere ọrụ ndị gọọmentị steeti ahụ rụrụ ebe ahụ.
Mgbe onyeisiala Buhari na Gọvanọ Hope Uzodinma gbapere ụzọ Owerre-Okigwe n’akụkụ Amaraku.
Onyeisiala Buhari na Hope Uzodinma mgbe ha gbapere ụzọ ọhụrụ a rụrụ n’akụkụ nmaraku nke Imo steeti.
Ọha ndị mmadụ gbakọtara n’akụkụ Imo steeti dị iche iche ebe ndị a tụrụ anya na Onyeisiala Muhammadu Buhari ga-abịa mee meepe ọrụ ọhụrụ dị ịcheịche a rụrụ na steeti ahụ.
Ụzọ a nke ozi gọọmentị Imo kwuru ruru Kịlomịta iri ise na isii gafere so n’ime ihe Onyeisiala mepere nke gafere akụkụ okpuruọchịchị Owerri, Owerri Nọt, Ikeduru, Mbaitoli, Isiala Mbano, Onuimo na Okigwe.
Ihe ndị ọzọ ọ gbapere gụnyere okporoụzọ Owerri-Okigwe, nke Owerri-Orlu na ụlọomeiwu nke steeti ahụ a rụgharịrị arụgharị.
Ndị ọrụ nchekwa jupụtara n’ebe a ga-anabata onyeisiala Buhari n’Amaraku nke Imo steeti
Ndị jupụtara n’ebe a ga-anabata onyeisiala Buhari n’Amaraku nke Imo steeti
Otu ndị pụtara ịnabata onyeisiala Muhammadu Buhari n’Amaraku nke Isiala Mbano, Imo steeti
Osote onyeisi ndị uweojii Naịjirịa, Kọmịshọna ndị uweojii n’Imo steeti nakwa ndị isi ndị ọrụ nchekwa ndị ọzọ so na ndị nọ n’ama nke Amaraku ebe a na-eche nnabata onyeisiala Buhari.
Otu ụmụnwaanyị, ndị ntorobịa, ndị egwu nakwa ndị Eze ọdịnala dị ịcheịche apụtala ịnabata Onyeisiala Buhari agbanyeghị na ndị otu Indigenous People of Biafra (Ipob) tiri iwu onye nọrọ n’ụlọ nke ha na-akpọ sit-at-home n’ihi taa bụ ụbọchị ikpe onyendu ha bụ Nnamdi Kanu n’Abụja.
Gọọmentị Imo zipụtara ozi n’ụbọchị Satọdee kwuo na iwu a agaghị emetụta ọbịbịa onyeisiala Buhari.
Kọmịshọna mgbasaozi steeti ahụ bụ Declean Emelumba kwuru “E nweghị onye nwereike imaja Onyeisiala Buhari, onye bụ onyeisi ndị agha Naịjirịa. Imo steeti so na steeti ọ na-achị nke nyere ikike ịbịa ebe ahụ etu o siri chọọ. Ndị ọrụ nchekwa kwụ chịm n’ọrụ ha ịhụ na ọbịbịa ya gara nke ọma”.
Igwe mmadụ pụtara maka nnabata onyeisiala Buhari dịka o mepere ụlọomeiwu nke steeti ahụ a rụgharịrị arụgharị.
Otu ndị pụtara ịnabata onyeisiala Muhammadu Buhari n’Amaraku nke Isiala Mbano, Imo steeti
Leave a Reply