Onyeisiala Naijiria bụ,Muhammadu Buhari alọghachila Abuja,dika ọnọchara abali abụọ n’mba United Arab Emirates bụ ebe omere njem ọrụ.
Prezidenti Buhari feturu na ngalaba nke onyeisiala nke ọdọ ụgbọelu Nnamdi Azikiwe International airport dina Abuja ka owetere aka na 17:02 GMT.
Ọ bụ onye Chief of Staff bụ, Ọkanmụta. Ibrahim Gambari,nakwa ndi isi ọrụ ọzọ gunyere ndi isi ọrụ nchekwa bụ ndi nabatara ya.
Mgbe ọnọ na Abu Dhabi bụ isi obodo mba UAE, Prezidenti Buhari gara mgbaru na onyeisiala ha bụ, Sheikh Mohammed Bin Zayed Al-Nahyan, maka ọnwụ onye jibu ọkwa dika onyeisiala bụ, Khalifa Bin Zayed Al-Nahyan bụ onye lara mụọ nso nso a.
Ndi isiala abụọ a kpara nkata etu ha ga-esi mee ka enwe ezigbo nmekọrita n’etiti Nigerian n’mba UAE.
Ha nwekwara nkpebi etu ha ga esi kwusi nsogbu ndi omekome,iji nwe ezi nchekwa ndu na akụlụba na mba abụọ a.
Leave a Reply