Minista na-ahụ maka ọkụ latrik arịọla ndị Naịjirịa mgbaghara, kwee nkwa ịkwalite ikike ọkụ

Gọọmenti Naịjirịa arịọla ndị Naịjirịa mgbaghara maka ụkọ ọkụ latrik, ma kwee nkwa na a ga-akwalite ya n’ime ụbọchị ndị na-abịa abịa gburugburu Naịjirịa.

Minista na-ahụ maka ikike ọkụ na Naịjirịa bụ Adebayo Adelabu kwere nkwa a n’ụbọchị Tuzde 24 Maachị 2026, oge ọ na-agwa ndị ntaakụkọ okwu gbasara ịgba ndị o tiri n’ime afọ atọ gara aga.

Adelabu kọwara na ọ bụ ụkọ gaasị a na-ebugara ụlọorụ ndị na-emepụta ọkụ butere ịmaaka a n’ihi nnukwu ego ha ji ndị na-ekesa gaasị.

Ọ rụtụrụ aka na agha dị ugbua na mpaghara Middle East nwereike ime ka nsogbu a kawanye njọ.

Cheta na ndị Naịjirịa na-ahụta ụkọ ọkụ latrik na nso nso a, nke mere ụmụ mmadụ ji akpọ oku ka ndị ọchịchị dozie nsogbu ahụ.