Volkanovski Na-atụ Anya Asọmpi Adesanya Na Pereira Ọzọkwa.

Alexander Volkanovski kwenyere na Israel Adesanya na Alex Pereira ga-asọ mpi megide onwe ha ọzọ n’ọdịnihu.

N’ime oge asọmpi egwuregwu ha, Israel Adesanya na Alex Pereira alụsogo onwe ha ọgụ ugboro anọ. Asọmpi abụọ nke mbụ bịara na ịkụ ọkpọ, ebe nke atọ gụnyere egwuregwu ịgba martial art. Ọ bụ ezie na Pereira gbagoro na 3-0, Adesanya bọtara ọbọ nke mmegwara site n’ịkụpụ ‘Poatan’ na mbido afọ a, ma weghachite nturu ugo UFC middleweight.
Ka ọ dị ugbu a, a na-atụ anya na Pereira ga-eme mpụta mbụ ya na Light Heavyweight. Adesanya, ka ọ dị ugbu a, ga-alụ ọgụ idokwa ‘Strap’ ya megide onye meriri ọgụ Robert Whittaker vs Dricus du Plessis n’afọ a.

N’uche Alexander Volkanovski, ndị UFC ga-eme ka ọgụ Adesanya vs Pereira bụrụ MMA trilogy bout na ụfọdụ ogbo.

“Echere m na ọ ga-eme. Echere m na ọ bụghị ihe ga-eme ozugbo,” Volkanovski kwuru.

Ọ gara n’ihu, “N’ezie, ọgụ atọ na-esote onwe ha azụ anaghị adị mma mgbe niile. Dị ka anyị hụburu na mbụ, mana ị chọghị ka ha dị otú ahụ, yabụ ka ha kwenye, ọ bụrụ na ọ (Pereira) chọrọ ịrịgo gaa n’ihu, dịka tụrụ ugo Light Heavyweight, e mesịa ha lụọ ọgụ dị ka ndị mmeri. O doro anya na ọgụ ahụ nwere ike ịda ụda. Ma ọ bụrụ nanke ahụ bụ ihe UFC na-eme atụmatụ ime, amaghị m. Echeghị m na nke ahụ ga-abụ ihe amamihe dị n’ime ya.”

Ikekwe ọ bụghị onye ọ bụla chọrọ ịhụ ka abụọ a na-agbaghachi ya ọzọ. N’ikwu nke ahụ, ọ dịghị onye nwere ike ịgọnarị na ọ ga-ada ụda dịka ọ na-eme mgbe niile.