Kọmishọna steeti Ogun na-achọ ka ndị ntorobịa tinye aka n’ịkụ azụ̀

Kọmishọna steeti Ogun na-ahụ maka ụlọ ọrụ, azụmaahịa na itinye ego, Oriakụ Kikelomo Longe, dụrụ ndị ntorobịa ọdụ ka ha chọpụta ohere dị n’ịkpa azụ̀ ka ha wee nwee ike were ha n’ọrụ.                                                                                                                                                                                                   Longe kwuru nke a na mmeghe ọzụzụ izuụka atọ na azụmaahịa azụrụ azụ nke emere n’Abeokuta.                                                                                                 Ọ bụ ụlọ ọrụ teknụzụ Incubation Center, TIC, na mmekorita ya na German Agency for International Cooperation, GIZ haziri mmemme a.                      Dị ka Longe si kwuo, inyocha ihe ndị nwere ike ime n’ịkụ azụ̀ ga-enye ha ohere ịbụ ndị na-arụ ọrụ onwe ha, karịsịa n’ọnọdụ enweghị ọrụ na-ejupụta na mba ahụ.                                                                                                                                                                                                                                                     Kọmishọna nke onye isi ngalaba na-ahụ maka nkwalite ụlọ ọrụ na mịnịstrị ahụ nọchitere anya ya bụ Kehinde Akintomide kwuru na ịbanye n’ịkụ azụ nwere ike inyere ndị ntorobịa aka itinye aka na mmepe ụlọ ọrụ na steeti ahụ.                                                                                                                                     O kwuru na enwere ike ime nke a site n’inye ngwaahịa ndị dị mkpa n’agbụ ahịa azụ̀ bara uru maka ụlọ ọrụ na-arụ ọrụ na steeti ahụ.                                      O toro ndị TIC na GIZ maka ịhazi mmemme a haziri iji zụọ ndị ntorobịa na ụmụ nwanyị iri ano nọ n’agbata afọ iri na ise ruo iri atọ na ise maka ịzụ azụ azụ nakwa inye ndị sonyere ya ike na ngwa mmalite.                                                                                                                                                                                 Ọ gara n’ihu kwuo na ọzụzụ a ga-enye aka n’inyere ndị ntorobịa na-enweghị ọrụ aka ịghọ ndị ọchụnta ego.                                                                        N’ịkọwapụta ọzụzụ a mepere emepe, onye njikwa Centre, TIC, Abeokuta, bụ Maazị Ifelayo Adejoro, dụnyere ndị sonyere na ya ka ha were ohere ndị ọzụzụ ahụ nyere na-emeziwanye onwe ha.                                                                                                                                                                                         N’okwu ya, onye ndụmọdụ teknụzụ, nkwalite ọrụ, mmepe nka maka ọrụ ntorobịa5 GIZ, Maazị Amile Terlumun kwuru na a haziri ọzụzụ a iji nyere ndị ntorobịa na-enweghị ọrụ aka ka ha wee nwee nnukwu ọrụ.                                                                                                                                                                      O kwuru na ụlọ ọrụ ahụ agbasiwo mbọ ike n’ịweta ọnọdụ dị mma maka mmemme ọzụzụ na inye ike na-aga nke ọma. Mmadụ abụọ n’ime ndị so na ya bụ Osiniyi Abolanle na Qudus Bello kelere ndị haziri ahazi ma kwe nkwa na ha ga-etinye ihe ọmụma ha nwetara n’ịmalite ịkụ azụ̀.