APC Egosila Mgbarụ Iru Maka Mwepụ Aha Onye Otu Ha Na Bayelsa

Otu ndoro-ndoro ọchịchị All Progressives Congress (APC) egosipụtala nchegbu gbasara mwepụ nke Independent National Electoral Commission (INEC) na nso nso a wepụrụ aha onye ndoro-ndoro ochichi APC, Chief Timipre Sylva na ndepụta emelitere nke ndị ga-azọ ọkwa gọvanọ ha maka ntuli aka gọvanọ na-abịa, Nọvemba 11 na steeti Bayelsa.

Nkwupụta sitere n’aka odeakwụkwọ mgbasa ozi nke APC, Felix Morka kwuru na mkpebi a ebutela nzaghachi siri ike site n’otu ndọrọ ndọrọ ọchịchị.

Morka kwuru, “Ntugharị a nke INEC mere na-ejikọta ya na ikpe Ụlọikpe Kasị Elu na October 9, 2023, bụ nke wepụrụ Chief Timipre Sylva dị ka onye ndọrọ ndọrọ ọchịchị,” Morka kwuru.

“Na nzaghachi nke ikpe a, APC arịọla arịrịọ ma malite usoro iwu dị iche iche iji chọọ nkwụsị nke mmezu na ikpe”.

O kwuru na ndị otu All Progressives Congress ekwupụtala enweghị afọ ojuju ya na mmemme eburu ụzọ mee INEC n’iwepụ onye ha na-azọ ọkwa tupu e mechie usoro mkpesa ahụ.

Otu ahụ na-ekwu na omume INEC bụ ichere mkpebi nke ụlọikpe mkpegharị tupu ha emee ihe ọ bụla nwere ike imebi ọdịmma ndị mkpegharị ikpe.

Ihe Ịma Aka

Onye ode akwụkwọ mgbasa ozi APC gara n’ihu kwuo na iwepụ onye APC na aha ndị ga-azọ ọkwa gọvanọ na steeti Bayelsa nwere ike bute ihe ịma aka nye ụlọikpe mkpegharị, onye na-azọ ọkwa ọchịchị, na pati ahụ ma ọ bụrụ na mkpesa ahụ ga-aga nke ọma.

APC na-agwa INEC ka ha chegharịa mkpebi ya maka ịdị mma.

Otu ahụ nke kpọkuru ndị Bayelsa steeti, ọkachasị ndị otu ya na ndị na-akwado ya ka ha nọrọ jụụ na ndidi ka usoro ikpe na-aga, gosipụtara obi ike na onye ga-azọ ọkwa ya ga-emecha merie, ma n’ụlọikpe mkpegharị ma na ntuli aka