Otu Achumnta Vootu Agaala Gombe Steeti

Otu achumnta vootu Onyeisiala nke Labour Party agaala Steeti Gombe ịchụ nta vootu n’aka ndị bi na steeti ahụ, ma kwe ha nkwa iwulite Naijiria ọhụrụ nke ndị mmadụ ga-eji na-anya isi.

Onye na-azọ ọkwa Onyeisiala na paati ahụ Mazị Peter Obi na onye osote ya, bụ Maazị Yusuf Datti, gwara ndị Naijiria ka ha ghara iji echiche mmenyere mmadụ na atụm vootu Onyeisiala n’ọnwa Febụwarị, kama ịtụ vootu maka mbawanye ọdịmma nke mmadụ nile.

Onye na-azọ ọkwa Onyeisiala na Labour Party, Mazị Peter Obi, mgbe ọ na-agwa ndị nkwado ụmụ nwanyị na Gombe okwu, kwuru na ịtụ vootu dabere n’echiche mmenyere abaghịrị ụmụ amaala obodo ahụ uru, ma gbaa ha ume ka tụnyere ndị nwere ike idozi nsogbu Naijiria.

Mazị Obi kpọkukwara ndị na-atụ vootu ka ha pụta n’igwe ịtụ vootu maka ndị ziri ezi ma nwee ikike.
.
Dị ka Maazị Obi si kwuo, ọ dịghị onye Naijiria ga-aka mma maka ịtụ vootu dabere n’ịdị n’otu.

“Ị na-azụta achịcha dị ọnụ ala karịa ebe ọ bụla n’ihi na i si mgbago ugwu ma ọ bụ ndida? Yabụ, gwa ha na ọ bụghị ihe agbụrụ. Ka onye ọ bụla ghara ịgwa gị na ọ bụ gbasara okpukpere chi. Onye ọ bụla nke na-agwa gị gbasara okpukpere chi, gwa ha, sị, ‘Gosi m ebe ndị Alakụba na-azụta nri dị ọnụ ala, ka m bịa ebe ahụ zụọ. Nke ahụ bụ ihe ha gwara gị ma ghọgbuo gị n’oge gara aga.

“Ndị otu Kraịst anaghị azụ achịcha dị ọnụ ala, ndị Alakụba anaghị azụta achịcha dị ọnụ ala.
N’ikwu okwu maka echiche na Labour Party enweghị usoro na nhazi ha ga-esi nweta mmeri n’ntuli aka, Maazị Obi kwuru na usoro na nhazi a bụ akụkụ ihe mere ndị Naijiria ji bụrụ ndị ogbenye na enweghị mgbanwe a chọrọ,” Maazị Obi kwuru.

Otu achumnta vootu Labour Party nọ na Pantami Township Stadium na Gombe, bụ ebe ọ malitere achumnta vootu Onyeisiala na steeti ahụ.

Onye na-azọ ọkwa osote Onyeisiala, bụ Maazị Yusuf Datti Baba-Ahmed, kọwara Obi dị ka nwoke nwere agwa dị mkpa iji weta Naijiria ọhụrụ.

Maazị Baba-Ahmed nyere mmesi obi ike na ọ bụrụ na enyere ya ohere ije ozi dị ka Onyeisiala Naijiria, Maazị Obi agaghị emetu ndị Naijiria obi, n’ihi na o nwere iguzosi ike n’ezi ihe ma ọ ga-emezurịrị nkwa ndị e kwere.

“O nwere iguzosi ike n’ezi ihe na ihe ọ bụla o kwuru na ọ ga-eme, ọ bụkwa ya mere m na ya ji nọrọ. Obi agaghị ezu ego ndị ogbenye, ọ nọ ebe a iji napụta Naijiria n’ihe ịma aka ya, ya mere tụkwasị anyị obi na vootu gị, anyị ga-ewetala gị ezi ọchịchị,”
Maazị Baba-Ahmed kwuru.

Ike Umenaba