Nwunye onyeisiala enyela ndị Dikko otu narị nde naira maka odachi dakwasiri ha

Nwunye onye isi ala Naijiria, Oluremi Tinubu enyela onyinye ego ruru otu nde naira iji nyere ndị ihe mgbawa ụgbọ nmanu Dikko meturu.

Nwunye onye isi ala nyere onyinye ebere ahụ nye gọọmentị steeti n’oge nleta onwe ya na Minna.

Nleta a bu n’obi kwupụta ịkasi obi gbasara mgbawa ụgbọ nmanu gbawara na Dikko nso nso a.

O kwuru na onyinye a bụ iji kwado ihe gọọmentị steeti na-eme iji na-enyere ndị ọdachi ahụ metụtara aka.

Nwunye Onyeisiala kelere gọọmentị na ndị Niger steeti maka ọdachi ahụ ma kpekwaa ekpere ka ụdị ihe a ghara ime ọzọ n’obodo ahụ.

O toro Gọvanọ Mohammed Umaru Bago maka ọganihu ọ na-aga n’ihu, ọkachasị na ngalaba ọrụ ugbo.

N’okwu nke ya, Gọvanọ Naịja steeti bụ Umaru Bago kwuputara ekele maka Oriakụ Tinubu maka nleta ya, nakwa maka onyinye ego o nyere.

O kwuru na ọbịbịa ya na-ekwu ọtụtụ ihe n’ịkwado mmekọrịta dị na steeti ahụ.

Na mbụ, Etsu Nupe na onyeisi oche Niger State Council of Traditional Rulers bụ ndị na-ekwuchitere ndị kansụl ndị Emirate asatọ na steeti ahụ kelere Oriakụ Tinubu maka mbọ ya.

Ọ gbara ya ume ka ọ kwado ya na steeti ahụ, ọkachasị n’ihe gbasara ọrụ ugbo, iji kwalite mbọ gọọmentị na-agba.

Nwunye onye isi ala Naijiria, tinyere nwunye nke abụọ, Nana Shettima na nwunye Gọvanọ Naịja steeti, Fatima Bago, gara n’ụlọ nke ndị isi ala Naijiria mbụ bụ General Ibrahim Badamasi Babangida na Abdulsalami Abubakar.

Ọ kọwara ndị a ama ama dị ka Petrarchs na mba ahụ, na-akọwapụta nnukwu onyinye ha na akụkọ ntolite obodo ahụ.