Chimaroke Nnamani adaala ntuliaka Sinetọ

Aka chịburu Enugwu steeti bụ Chimaroke Nnamani adaala ntuliaka ọkwa Sinetọ na mpaghara Enugwu East.

Kevin Chukwu nke ‘Labour Party’ bụ onye tuuru ugo na ntuliaka ahụ dịka o nwetara vootu 69,136, ebe Nnamani, onye nọ na pati PDP nwetara vootu 48,701.

Cheta na ya bụ ntuliaka gaara adị n’abali iri abụọ na ise nke ọnwa Febrụwarị mana e bugharịrị ya n’ihi ọnwụ onye Labour Party na-azọbu ọkwa ahụ, bụ Oyibo Chukwu.

Ndị ojiegbe gburu Mazi Oyibo Chukwu dịka ọ fọdụrụ ụbọchị olemole tupu abali iri abuo na ise nke onwa Febrụwarị oge o si ebe ọ gara chụọ nta vootu na-alọta.

Kevin Chukwu, onye meriri ntuliaka a ugbua, bụ nwanne nwoke Oyibo Chukwu.