Ụlọikpe Ukwu Yigharịrị Ikpe Mgbanwe Naira Ruo Febụwarị 22

Ụlọikpe Ukwu Naijiria, ebugara ikpe ụbọchị Wenezde, abalị iri abụọ na abụọ ọnwa Febụwarị maka mkpesa ikpe maka akwụkwọ nke steeti atọ dị na mgbago ugwu, Kaduna, Kogi na Zamfara gbara akwụkwọ, na-ama aka na-agbagha atụmatụ iwugharị Naira.

Ọka ikpe ukwu John Okoro, ka ọ na-edu ndị otu ọkaikpe dị mmadụ asaa kwụsịrị okwu a ka ọ nụchara arụmụka n’aka ndị ndụmọdụ abụọ ahụ.

N’okwu a n’ụbọchị Wenezde, gọọmentị steeti asaa nke Sokoto, Ondo, Lagos, Katsina, Cross River, Ogun na Ekiti site n’aka ndị ọkaiwu ha sonyeere ndị gbara akwụkwọ.

Ka ọ dị ugbu a Steeti abụọ; Bayelsa na Edo sonyeere n’ikpe ahụ dịka ndị na-azara ọnụ.

Ndị a gbara akwụkwọ nwere akwụkwọ mkpesa ex-parte a gbara n’abalị atọ ọnwa Febụwarị, kpesara Ụlọikpe ukwu ịkwụsị iwu nhazigharị naira nke ụlọ akụ etiti.

Ọkaikpe ukwu John Okoro, enyela ndị gbara akwụkwọ iwu ka ha megharịa usoro ha si malite iji gosipụta ndị sonyeere n’ikpe ahụ.

Cheta na Ụlọikpe ukwu na mkpebi ya n’abalị asatọ ọnwa Febụwarị nyere iwu nwa oge, machibido gọọmentị Naijiria, ụlọ akụ etiti (CBN) na ụlọ akụ azụmahịa imejuputa abalị iri ọnwa Febụwarị dị ka oge njedebe maka akwụkwọ ego naira ochie.

Ụlọ ikpe ahụ gara n’ihu kwuo na Gọọmenti etiti, CBN na ụlọ akụ azụmahịa agaghị aga n’ihu na oge njedebe ahụ ruo mgbe a ga-ekpebi ikpe gbasara okwu ahụ.

Ọkaikpe Okoro, yigharịrị ụbọchị Wenezde abalị iri abụọ na abụọ nke ọnwa Febụwarị maka ịnụrụ ikpe oge otu abụọ ahụ kwekọrịtara.

N’ikwu okwu n’ajụjụ ọnụ, onye ọka iwu nye onye na-agba akwụkwọ, Albdulhakeem Mustapha SAN na nke ndị a na-azara ọnụ, Kanu Agabi SAN, kwupụtara obi ike maka mkpebi dị nro nke okwu ahụ maka ọdịmma nke ndị Naijiria.