Ndị mmegide katọrọ njide na Tunisia

Ndị otu mmegide isi Tunisia akọwaala usoro njide edoro ndị na-akatọ Onye isi ala Kais Saied dị ka “mmegbu, ime ihe ike, na enweghị isi n’iwu.”            Akụkọ na-ekwu na ụbọchị ndị na-adịbeghị anya ndị uwe ojii ejidela ọtụtụ ndị ndọrọ ndọrọ ọchịchị a ma ama, ndị ọka ikpe abụọ, onye odeakụkọ bụ isi na onye isi otu.                                                                                                                                                                                                                                                       Na Wenezde, US kwuru na ọ “nwere nchegbu miri emi” maka njide ndị a kọrọ na ụbọchị ndị na-adịbeghị anya.                                                                        “Anyị na-asọpụrụ ọchịchọ nke ndị Tunisia maka ikpe ikpe nọọrọ onwe ya na nke doro anya nke nwere ike ichebe nnwere onwe dị mkpa maka mmadụ niile,” ọnụ na-ekwuchitere Ngalaba Ọchịchị Ned Price kwuru.                                                                                                                  Ka ọ dị ugbu a, ọnwa iri na asatọ gara aga Onye isi ala Saied mechiri ụlọ omeiwu Tunisia wee kwaga ịchị site n’iwu tupu edegharịa iwu obodo ahụ.  A boro ya ebubo na ọ na-ebuli ọchịchị n’ike.                                                                                                                                                                                                 UN ekwupụtala mkpu banyere njide a, mana onye isi ala siri ọnwụ na ndị ejidere bụ ndị sabo, na-akpata mmụba ọnụ ahịa na oke ụkọ nri.