Edo Steeti Ga-akụ osisi nde  iri n’ime afọ iri.

Gọọmenti steeti Edo ga -akụ osisi nde  iri n’ime afọ iri.

Gọọmenti Edoo steeti kwuru na ha na-ejikọ aka na Royal Wood Company Nigeria Ltd. ka ha kụọ osisi nde iri n’ime afọ iri na-abịa.

Kọmishọna steeti ahụ na-ahụ maka gburugburu ebe obibi na nkwado, Mr Jonathan Lawani kwuru nke a na mkparịtaụka na ịgba ajụjụ ọnụ e mere ya na Benin.

Lawani kwuru na mmekorita a so na usoro etinyere iji weghachi oke ọhịa na steeti ahụ.

Dị ka ya si kwuo, Edo n’ime atụmatụ ya maka 2023-2028 ka atọrọ ibute ụzọ mbelata igbutu osisi na mfu carbon sitere na igbu osisi na-akwadoghị, ọrụ ugbo na nhazi.

Ọ tara ha ụta dị ka ndị bụ isi na-akpata igbukpọsị osisi nakwa ihe ndị ọzọ na-eme n’iji ala eme ihe gụnyere ọkụ ọhịa, imepụta unyi, nrigbu n’ime ala na ịta ahịhịa.