Ntuliaka Na-Aga N’Ihu Na Bayelsa

Ụmụ amaala steeti Bayelsa na mpaghara Niger Delta dị na Naịjiria na-eme ntuliaka taa, na-atụ vootu ịhọpụta gọvanọ ọhụrụ.

A na-atụ anya na ihe karịrị otu nde ndị debanyere aha n’akwụkwọ ịtụ vootu ga-eji ikike ha mee ntuliaka gọvanọ na Satọde.

Ndị kacha na-azọ ọkwa gọvanọ bụ Timipreye Sylva nke All Progressives Congress na Gọvanọ na-achị ugbu a, Duoye Diri nke Peoples Democratic Party, PDP.

Ka ọ dị ugbu a, ịtụ vootu na-aga n’ihu n’ọtụtụ mpaghara steeti ahụ.

Na mpaghara ward 5, Yenagoa, isi obodo steeti, nke nwere nkeji ise, nnabata na ntuli aka n’otu oge ebidola na ndị na-atụ vootu na-agbagharị n’otu n’otu.

Gọvanọ Diri Atụọla Vootu

N’otu aka ahụ, Gọvanọ Duoye Diri emeela ntuli aka n’obodo ya bụ Sampou, Kalaowe Owei, unit 004.
Gọvanọ bụ onye nke abụọ mere mbinye aka ya na ngalaba ahụ.