Onyeisiala Buhari na ndị Naijiria na-aṅụrị ọṅụ na Ista.

Onyeisiala Buhari na ndị Naijiria na-aṅụrị ọṅụ na Ista.

Onyeisiala Muhammadu Buhari esorola ndị Naijiria ọkachasị ndị otu Ndị Kraịst na-eme mmemme oge Ista, bụ nke na-echeta ọnwụ na mbilite n’ọnwụ Jizọs Kraịst.

Onye isi ala na-eji ohere ahụ kpọkuo ndị Naijiria niile ka ha nwee olile anya ụbọchị ka mma n’ihu, na-agbakwụnye na Nigeria ga-emeri ihe ịma aka ndị chere ya ihu, dịka Kraịst meriri ọnwụ.

Na ozi, onye ndu Naijiria kwuru:

“M na-esonyere Ndị Kraịst nọ na Nigeria na gburugburu ụwa ime ememe Ista, bụ́ nke na-echeta ọnwụ na mbilite n’ọnwụ nke Jisọs Kraịst, nke na-egosi mmeri o meriri ọnwụ.

“N’ime obi Ista, bụ mmeri nke ìhè n’elu ọchịchịrị.

“Ọ bụ oge na-echetara anyị na Onye Pụrụ Ime Ihe Niile nwere ike gbanwee ọnọdụ na-adịghị mma gburugburu ka ọ dị mma.

N’ịghọta na Ista bụ maka olileanya ọhụrụ na ọdịnihu dị ebube, a na m arịọ ndị Nigeria niile ka ha nọgide na-enwe obi ike ma kwenye siri ike na obodo anyị maka oge dị mma n’ọdịnihu.

“Dịka mba, anyị agabigala ntuli aka nke mebere ndị isi na-esote ọkwa gọọmentị etiti na steeti.”

Onyeisiala Buhari toro ụmụ amaala maka ime onwe ha n’udo n’oge na ka emechara ntuli aka izugbe.