Take a fresh look at your lifestyle.

A rụọla Cyril Ramaphosa aka n’ebubo nrụrụaka na mpụ

0 821

Ebubo nrụrụaka na mpụ adapụtala n’isi Cyril Ramaphosa bụ onyeisiala mba Saụt Afrịka dịka ụlọọrụ na-ebuso mpụ agha na mba ahụ bụ Public Protector si kwuo.

Ebụbọ a kwuru na Ramaphosa si n’ụzọ iwu akwadoghị ma kwụọ ụgwọ aka azụ ịhụ na atọọrọ ma nwụchịe ndị a na-enyo zupụrụ ego ruru nde dọla anọ n’ụlọọrụ ugbo ya na 2020.

A na-enyokwa etu o siri nweta ego ruru etu a nke nọ n’ụlọọrụ ugbo ya.

Ebubo bu ụzọ pụta ihe n’ọnwa Juun mgbe Arthur Fraserbụbu onyeisi ngalaba nchekwa nke State Security Agency na mba ahụ kwupụtara ihe a asị mere n’ọha.

E kwuru na Ramaphosa kpụrụ ụkwụ n’ala ugboro ugboro ịbịa zara ọnụ ya n’ụlọọrụ ndị Public Protector dịka ha kporo ya oku.

Cheta na okwu aka chịbụrụ mba ahụ bụ Jacob Zuma ka nọ n’ụlọikpe maka ebubo nrụrụaka na mpụ gụnyere ibupụ ego gọọmentị n’ụzọ na-ezighị ezi.

Otu pati African National Congress (ANC) bụ pati onyeisiala Ramaphosa nọ n’ime ya kwesịrị ịkpọpụta aha onye ga-azọrọ ha ọkwa onyeisiala na ntuliaka 2024 na nso nso, anya ọha na-ele ịhụ ihe ga-eme dịka ebubo a dapụtarala n’isi ya.

Leave A Reply

Your email address will not be published.